إنجي المقدم تعتذر وتوضح حقيقة إجرائها عملية تجميل
خلال لقائها ببرنامج "أسرار النجوم" الذي تقدمه الإعلامية إنجي علي بإذاعة "نجوم إف إم" علقت الفنانة إنجي المقدم على الانتقادات التي تعرضت لها بسبب إطلالتها في مهرجان الجونة السينمائي
إنجي المقدم تعتذر وتوضح حقيقة إجرائها عملية تجميل
مؤكدة أن الجمهور كان على حق، مقدمة الاعتذار لهم.
وقالت إنجي: "اتخضيت لما شوفت الصورة لأنه كان متبطن لون الجسم مكنش باين، وكان شكلة مش حلو، متبسطش من نفسي، ومتضايتش من الانتقادات لأن كان عندهم حق".
وعن إجرائها عملية تجميل قالت: "أنا معنديش شفايف خالص، وعاملة شفايفي من 2013، وأنا مش ضد التجميل والرتوش، ومهم أوي إن الست تحس إنها حلوة ومرتاحة وواثقة من نفسها، خاصة لو بتطلع على الشاشة، أنا ضد التغيير التام لنفسي لأن خلقة ربنا مفيش أحسن منها، ولكن شوية رتوش لذاذ".
وتابعت إنجي: "كنت ممكن أعمل بوتكس وفيلر في مناطق معينة في وشي، جربتهم قبل كده ومعجبونيش، مبعملش فيلر وبوتكس من أربع سنين، كل اللي بعمله سكين بوستر، وده بيعمل نضارة للبشرة، أنا عملت فيلر وبوتكس من أربع سنين واشتغلت دلوقتي على الحاجات الطبيعية أكتر علشان أعرف أعبر وأمثل، أنا طبيعية في الحياة العادية، ولكن ممكن في وتر حساس تتشاف مش طبيعية بسبب الزوايا والإضاءة، معظم الستات بتحب تحلي نفسها وتشتغل على نفسها، أنا معملتش حاجة، أنا كبرت وكلنا بنكبر".
وعن سبب ابتعادها عن الساحة الدرامية، علقت قائلة: "الأول كنت طالعة من مشروعين مهلكين بالنسبة لي جدًا، وهما (قواعد الطلاق الـ45) و(ستات بيت المعادي)، صورتهم في نفس الوقت ودول هلكوني وطلعت منهم تعبانة حقيقي ومحتاجة راحة".
واصلت: "أنا بحب الشغل في رمضان وببقى حريصة عليه، ولكن لأول مرة قلت مش قادرة ومش هشارك في رمضان، فكان الموضوع باختياري، وبعد كده بدأ يتعرض عليّ حاجات مش حباها أنا عايزة أرجع بحاجة مختلفة أكتر وأقوى من اللي كان بيتعرض، لغاية ما سنة ورا سنة لقيت الوقت بيجري وبيعدي وأنا قاعدة حاطة رجل على رجل وبتفرج على اللي بيتعرض، وعايزة أشتغل ولكن مفيش حاجة اتعرضت عليّ بترضيني".
واستكملت: "أنا مش عايزة أكون موجودة وخلاص، وده مكنش هيتحقق من اللي اتعرض عليّ وقتها، وفي الأثناء دي عملت فيلم (كاملة) هو فيلم مهرجانات واتعرض على نتفليكس، وده كان مشروع حباه أوي، ورمضان اللي فات كان في مشروع تحمست له ولكن متوفقناش في الاتفاقات".
صور نشرتها الفنانة على صفحتها الانستغرام - تصوير : بدون كريدت
صور نشرتها الفنانة على صفحتها الانستغرام - تصوير : بدون كريدت
صور نشرتها الفنانة على صفحتها الانستغرام - تصوير : بدون كريدت
من هنا وهناك
-
ملك قورة تخطف الأنظار بإطلالة ملكية في حفل خطبتها
-
وفاء عامر ترد على شائعات توفيرها فرصة عمل لمدير اعترض على صلاة فتاة
-
منة شلبي تستعد لإجراء عملية جراحية مفاجئة في القولون
-
طبيب شيرين عبد الوهاب يوجه لها رسالة بعد تألقها في حفلها الأخير
-
الدراما السورية تستقطب نجوما عربا لأول مرة
-
زوج شيماء سيف يحتفل بيوم ميلادها بكلمات رومانسية بعد عودة العلاقة الزوجية
-
تذاكر مجانية... أنغام في حفل ‘صوت مصر‘ بحضور نجوم الفن
-
لطيفة تكشف سر ارتباطها بأغنية ‘أنا بعجبني‘.. وذكريات والدتها
-
نبيلة عبيد تعّلق على اختيارها لتقديم عمل إذاعي عن رواية لإحسان عبد القدوس
-
شيرين عبد الوهاب تبكي وتضحك في حفلها بحضور ابنتها ونجوم مصر
إعلانات
إعلانات
أرسل خبرا