هنا الزاهد تتحدث عن علاقتها بأحمد فهمي بعد الطلاق
خلال حلولها ضيفةً على برنامج "كلاكيت" الذي تقدّمه الإعلامية لينا الطهطاوي عبر إذاعة "نجوم إف إم"، تحدثت الفنانة هنا الزاهد عن علاقتها حالياً بطليقها
صورة نشرتها الفنانة على صفحتها الانستغرام -تصوير:بدون كريدت
الفنان أحمد فهمي، وعلّقت على انفصالهما بالقول إنه تم في هدوء لأن بينهما "عشرة" دامت خمس سنوات.
وقالت هنا: "مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة خمس سنين وهو شخص محترم جداً، ومفيش أي ضغينة".
وأضافت: "ومش شايله هم أشوفه وشوفنا بعض في "جوي أوردز" وسلّمنا على بعض وهو دلوقتي صديق وزميل في المهنة وده عشرة طويلة، وأي حد بيجيب سيرة أي حد تبعه أو هو بحط إيدي في عينه".
وأردفت هنا بالقول: "الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جداً عشان فيه عشرة والحياة مكمّلة ولازم تقفي والحمد لله أنا تمام وهو مبسوط جداً وإحنا أصحاب.. فيه ناس بتبقى متضايقة، والحياة قصيرة جداً لازم تشوفي حياتك، ولو عايزة أي حاجة هكلّمه، ولو هو عايز أي حاجة هيكلّمني وإحنا أصحاب في الآخر".
وحسمت هنا الزاهد فكرة تقديم جزء ثانٍ من مسلسل "سيب وأنا أسيب"، الذي لعبت بطولته مع الفنان أحمد السعدني في عام 2023 وعُرض على منصة شاهد، وحققا من خلاله نجاحاً ملحوظاً.
وقالت هنا: "2023 كان وشّها حلو عليا وعملت فيها مسلسل "سيب وأنا أسيب" هو كان فيه جزء تاني بس تقريباً مش هيتعمل، وأنا حبيت المسلسل ده والناس حبّت الشخصية واتعرفت على ناس خطيرة زي أحمد السعدني ودنيا وبقوا أصحابي".
وأضافت: "وعملت في السينما فيلم "مستر إكس" وكنت مبسوطة بيه جداً ونجح نجاح كبير جوا مصر وبرا مصر وكان أعلى فيلم في الخليج".
أما عن كواليس مسلسل "سيب وأنا أسيب"، فقالت هنا الزاهد: "فيه مشهد مكنتش فيه لا أنا ولا السعدني واللي كان بيعمله دنيا والسيسي عن الاتفاق على اللي ناقص في الجواز، وإحنا دخلنا فيه في الآخر وكان آخر اليوم خالص، وأنا كنت نايمة في المشهد وطلع بشكل طبيعي جداً وبنقول الكلام وكان معمول حلو أوي".
وعن تعاونها مع الفنان أحمد السعدني في المسلسل، قالت هنا الزاهد: "أحمد كنت فاكراه تنك جداً؛ لأنه كان معايا في الجيم وكان بيسلّم عليّ بطريقة مش أحلى حاجة وكأني fan وأنا بسلّم وهو طلع بيتكسف شوية، وبعد المسلسل اختلف خالص مفيش مقارنة هو بجد خطير".
صورة نشرتها الفنانة على صفحتها الانستغرام -تصوير:بدون كريدت
من هنا وهناك
-
ياسمين الخطيب توجه اللوم لمنتقدي نجوى إبراهيم: تستحق أن نختلف معها بأدب
-
شيماء سيف تنفي صحة تصريحات أيتن عامر رغم الاعتذار: ‘عند الله تجتمع الخصوم‘
-
ياسمين صبري تشوّق جمهورها لفيلم ‘نصيب‘ وكواليس تصويره
-
سيرين عبد النور بلقطات عفوية تفترش الأرض وتكوي فستانها
-
شريهان تخطف الأنظار بأحدث ظهور مع ابنتها تاليا وشيرين أحمد طارق
-
يسرا ترقص على أنغام إليسا ومتابعوها يتفاعلون
-
شيماء سيف لآيتن عامر: كلامك غير صحيح وعند الله تجتمع الخصوم
-
منة فضالي تعلن أسباب ابتعادها عن الأعمال الفنية
-
هدى الإتربي عن انتقادات إطلالتها في الجونة: ‘دعوا الناس تقول ما تشاء‘
-
كندة علوش تودّع ‘خمسين خمسين‘ برسالة شكر لصنّاع العمل وأبطاله
إعلانات
إعلانات
أرسل خبرا