صورة نشرتها الفنانة على صفحتها إنستجرام. - تصوير: بدون كريدت 

واعترفت إيمان بأنها ظلمت نفسها كثيراً، بعدما شعرت بالخوف من الشهرة، وأشارت إلى أنها تعرضت للخداع كثيراً، وقالت إنها لا تريد أن ترى ابنتها عروسة، وإنما تتمنى أن تراها ناجحة في حياتها العملية.
أضافت إيمان العاصي في تصريحات لبرنامج The Other Side أو «الجانب الآخر»: «بعد نجاح مسلسل «حضرة المتهم أبي» كنت في عمر التاسعة عشرة، وبعدها قدمت فيلم «مسجون ترانزيت» مع أحمد عز والفنان الراحل نور الشريف، وكان النجاح كبيراً، وجدت نفسي لا أستطيع المشي في المولات ولا الأكل في المطاعم، وكنت وقتها صغيرة جداً، وكذبت كذبة كبيرة جداً على شركة الإنتاج كنت متعاقدة معها على 3 أفلام»، حسب لقائها في برنامج أونلاين اسمع The Other Side أو «الجانب الآخر».
وتابعت: «اعتذرت لشركة الإنتاج وقلت لهم أني اعتزلت الفن، وابتعدت 3 سنوات، وعدت بعدها، كنت أكبر وأنضج».

وواصلت إيمان العاصي: «ظلمت نفسي في شغلي بسبب كسلي، ومؤخراً حاولت أسترجع شغفي، وطبعاً أنا قابلت كتير وتعرضت لسوء حظ في علاقاتي مع الناس وفيه ناس ضحكوا عليا في مجال التمثيل، ومش بكون قادرة أخد حقي منهم، وبكتفي بأني أقطع علاقتي بالأشخاص دول، وبحاول أخلي بنتي عكس كدا وتتعود تاخد حقها؛ لأن مع الأسف العالم مفتقد للإنسانية».

كما تطرقت إيمان العاصي للحديث عن تأثرها بالشخصيات التي تجسدها، قائلة: «اختيار المخرج رقم واحد بالنسبة لي؛ لأن النتائج بتختلف من مخرج لمخرج، ولما بعمل شخصية بعيش معاها في حياتي، ولما عملت دلال في جعفر العمدة كنت متأثرة بها، لدرجة كنت بروح بملابس الشخصية بيتي وبخرج مع صحابي بيها، وبفصل بعد فترة».

وتحدثت الفنانة إيمان العاصي عن ابنتها الوحيدة ريتاج، مشيرة إلى أنها لا تتمنى أن تراها عروسة، ولكن تتمنى أن تراها شخصية ناجحة، وأضافت: «بنتي بتحس بيا بشكل مش طبيعي، وهي أحن حد عليا في الكون وأصدق حد في حياتي بكل ما تحمله الكلمة من معنى، وبنتي غريبة جداً خاصة أن هي طفلة ومش عارفة بتفكر كده إزاي ولما بتحس إني مضايقة حتى لو ما بينتهالش بتعرف!».

وأضافت: «بنتي لو زعلانة من حاجة بتحبس دموعها علشان ما أتأثرش، وبقيت أدعي ربنا إنه يخليني ليها؛ لأنها أحلى حاجة في الحياة وصاحبتي أوي، وبحكي لها اللي ممكن أحكيه لحد في سني».

وتابعت: «لما بكون معجبة بحد بقول لبنتي وكأنها 30 سنة، ومفيش حاجة بخبيها عنها؛ لأني خايفة مكملش ومقدرش أعيش لها، ونفسي تقدر نفسها وتحب نفسها، وتكون هي رقم واحد من غير ما تكون أنانية، ومتثقش في حد غير نفسها؛ لأني مش عايزاها تتوجع».

وأردفت إيمان العاصي: «بقول لبنتي أوعي تقولي لي عايزة أتجوز وبحب حد، أنا نفسي أشوف بنتي ناجحة، ومش شرط أشوفها عروسة، وعايزاها تلف العالم وتكون مبسوطة».

وعلقت إيمان العاصي على طرح بعض المشاهير أسرارهم الشخصية والعائلية على مواقع التواصل الاجتماعي، وقالت: «كشف أسرار البيوت على السوشيال ميديا كارثة، وده ميخصش سواء مشكلة مع زميل أو في البيت، وبقول ربنا ما يحطني في موقف زي ده».

وواصلت إيمان العاصي: «اتربينا إن فيه حرمة بيت؛ إزاي بتقدروا تقولوا كده للجمهور؟! دي ثقافة عجيبة وفيه ناس بتاكل عيش من ده، وده أرخص أكل عيش! ومش بحترم الطريقة دي، ونفسي الناس يكون عندهم رحمة وأصول؛ لأن ده لو موجود في الإنسان هيتجنب حاجات كتير وحشة».

وتطرقت إيمان العاصي للحديث عن إمكانية زواجها مرة أخرى، قائلة: «لحد قريب مكنتش مفتقدة فكرة إني متزوجة؛ لأني اتجوزت شهرين بس، ولكن دلوقتي نفسي يكون معايا حد، ومع ذلك بتجنب الارتباط؛ لأنه مش سهل يحصل في حياتي، ولكن أدركت أن شريك الحياة مهم جداً خصوصاً لو فيه أشياء مشتركة وحب».

وأضافت إيمان العاصي: «أنا بخاف أتعلق بشخص؛ لأن قلبي بيتكسر بسهولة، وبقول الحمد لله إني مش مرتبطة، ولكن ده مش سبب ابتعادي عن الارتباط، لكن مفيش شخص مناسب وأنا كل طلباتي شخص مخلص فقط ومش كداب».

 صورة نشرتها الفنانة على صفحتها إنستجرام. - تصوير: بدون كريدت 

 صورة نشرتها الفنانة على صفحتها إنستجرام. - تصوير: بدون كريدت 

 صورة نشرتها الفنانة على صفحتها إنستجرام. - تصوير: بدون كريدت 

[email protected]استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ