logo

‘ الحَلزون ‘ - بقلم: زهير دعيم

10-11-2026 20:14:13 اخر تحديث: 11-11-2026 07:54:40

لمّا بتسقط الامطارْ بتشوفوني كبار وصغارْ


عم بتعربش الأزهار 

 أنا الحلزونه الشطّوره

*** 

أنا الحلزونة الشطّوره 

أكلي عشب وبندوره

قوقعتي بيتي الامين 

وقت الخطر والأنين

*** 

مجسّي أعظم ميزانْ 

بِمَشّيني في أمانْ 

بيرشدني وين ما كانْ 

أنا الحلزونة الشطّوره

*** 

عيوني أقوى رادارْ 

في الليالي والنهارْ

بِتجنّبني من الاخطار 

أنا الحلزونة الشطُّوره